مـــــــــــــــــــــــزاد الحيــــــــــــــــــــــــــــــــــااااااة
....................................................................................
سيجال .للشاعر (خالد الكردى)---والشاعرة (امل فرج)
ــــــــــــــــــــــــــــــــــــــــــــــــــــــــــــــــــــــــــــــــــــــــ
خالد----
قرب يلا تعلي اتفرج ---
بص كمان وتعالي وجرب -
كل ماتقدم عندك حاجه --
احنا نساعدك قرب قرب
....................................
امل ----
قرب يلا ضمير للبيع ---
مش محتاج اصلا مواضيع
قرب شوف دي بلاوي الدنيا
افهم بقي مش زي وديع
....................................
خالد----
عندك مثلا ف البرواز---
صوره لطفل مريض محتاج --
امه اهي باعت البوتجاز ---
علشان مره تيجيب له علاج
....................................
امل-----
عندك هنا جوة الاباجورة
بنت زمان كانت امورة
اتلموا عليها صحاب السوء
المسكينة صبحت مكسورة
.....................................
خالد-----
واللي بيضرب امه وابوه ---
علشان م المصروف حرموه -
كان اولي انه يشوف شغلانه ---
يساعدهم حق ماربوه
........................................
امل------
والـ بيقتل اخته و اخوه
علشان ورث سابوا ابوه
الدم ما بينهم بقى ميه
ويقول اخواتــه ظالموه
.........................................
خالد-------
ودي شاشه بتعرض افلام -
من غير ولافيشه ولا موتور --
فكر بقي واعمل جمعيه -
وروح و ادفعها للدكتور
.........................................
امل------
وده واحد يااهل الله جعان-
-ماشى فالدنيا كده تعبان-=
وانت معاك ليه ما بتدييه
ليه تخليه يشكى الحرمان
.......................................
خالد------
قرب بقي وتعالي وشوف ---
كلب من النوع المألوف --
متربي علي العيش الفينو ---
---وصحابه بتديلوا مصروف
.........................................
امل-------
ودى قطة من الفقر تنونو--
جالها يبسبس كلب يهوهو=
=ديلها اتهز هتعمل ايه --
ماهى بطنها م الجوع بتصوصو
.........................................
خالد------
قرب قرب بص وشوف --
واكتب واقرا معاني حروف
ع التعليم ف بلدنا ياعمي ----
وقولي الفرق بقي من الامي
............................................
امل--------
قرب عندنا درس خصوصي ---
له جمعيه بكل فلوسي --
علشان ابني وابنك يفلح --
-ده الهم اللي خلع لي ضروسي
..............................................
خالد---
وده كرسي من المعدن غالي -
-بيغير حالك في الحال ----
متبطن بقماش بيلالي ---
-ويمشي امورك كده عال
............................................
امل-----
ودى ترابيزة عليها اوراق=
عايزة موافقة عليها خناق-
-والباشا ب يفتح فالدرج
-والغلبان ده من الوراق
........................................
خالد------
نطلع بقي في القسم التاني
-قسم الذوق ويا الاخلاق ---
-اللي بيعرف واحد صاحبه ----
علشان لاخته ياناس مشتاق
.............................................
امل-----
وال مصاحب صحبه عشانها--
مراته الحلوة اجن جنانها
نسيت ان وراها عيال
وتقول انه بص لغيرها
..............................................
خالد-----
واللي تقول دي حماتي مصيبه -
وتدعي عليها يارب تموت ---
--لو نفسها تعمل تخشيبه --
او علي راسها القطر يفوت
................................................
امل-----
قرب قرب شوف الدنيا
قلوب ميتة وترش كلونيا
رمى امه عشانها فالشارع
ويقول دى مراتى حاجة تانية
.................................................
خالد------
وادي واحد مش عاجبه العيشه --
وبيشكي ليل ويا نهار ------
ويبص لغيره المتهني -----
وبيشكي غلو الاسعار
.................................................
امل------
وادي واحد زهقان من يومه -
ومراته بتحسد في جارتها ---
-- بتسيبه مقطع ف هدومه---
--واسرار الناس دي لعبتها
...................................................
خالد----
واللي شبابها عدي وفات --
-- عايشه حياتها ياناس ع الشات
-- وبتعرف م الصحبه جماعه --
-- لو تعرف اسمها فتكات
...................................................
امل-----
وده واحد قاعد ع النت ----
- بيعاكس ف الواد والبنت
وبيكتب اسمه انه تفيده ----
- ويقلد حركات الست
...................................................
خالد-----
قرب قرب نطلع فوق
قربنا من الغيبوبه نفوق
ونعدي الايام الصعبه
وحياتنا هتحلي وهتروق
............................................
امل-----
قرب قرب قرب شوف=
وطنى بيبكى واقف له سيوف=
والخاين شارب من نيلها =
وجيشها بيحمي من غير خوف
.............................................
خالد-----
والشعب مساند لرئيسه -----
-وبيدعي يبارك ف خطاه ----
--- للضلمه منور فوانيسه ---
ده وعدنا بالخير وياه
..............................................
قرب يلا تعالي اتفرج ---
بس كمان وتعالي وجرب -
كل ماتقدم عندك حاجه --
احنا نساعدك قرب قرب
...................................
مع تحيات ----سيجال .للشاعر (خالد الكردى)---والشاعرة (امل فرج)
....................................................................................
سيجال .للشاعر (خالد الكردى)---والشاعرة (امل فرج)
ــــــــــــــــــــــــــــــــــــــــــــــــــــــــــــــــــــــــــــــــــــــــ
خالد----
قرب يلا تعلي اتفرج ---
بص كمان وتعالي وجرب -
كل ماتقدم عندك حاجه --
احنا نساعدك قرب قرب
....................................
امل ----
قرب يلا ضمير للبيع ---
مش محتاج اصلا مواضيع
قرب شوف دي بلاوي الدنيا
افهم بقي مش زي وديع
....................................
خالد----
عندك مثلا ف البرواز---
صوره لطفل مريض محتاج --
امه اهي باعت البوتجاز ---
علشان مره تيجيب له علاج
....................................
امل-----
عندك هنا جوة الاباجورة
بنت زمان كانت امورة
اتلموا عليها صحاب السوء
المسكينة صبحت مكسورة
.....................................
خالد-----
واللي بيضرب امه وابوه ---
علشان م المصروف حرموه -
كان اولي انه يشوف شغلانه ---
يساعدهم حق ماربوه
........................................
امل------
والـ بيقتل اخته و اخوه
علشان ورث سابوا ابوه
الدم ما بينهم بقى ميه
ويقول اخواتــه ظالموه
.........................................
خالد-------
ودي شاشه بتعرض افلام -
من غير ولافيشه ولا موتور --
فكر بقي واعمل جمعيه -
وروح و ادفعها للدكتور
.........................................
امل------
وده واحد يااهل الله جعان-
-ماشى فالدنيا كده تعبان-=
وانت معاك ليه ما بتدييه
ليه تخليه يشكى الحرمان
.......................................
خالد------
قرب بقي وتعالي وشوف ---
كلب من النوع المألوف --
متربي علي العيش الفينو ---
---وصحابه بتديلوا مصروف
.........................................
امل-------
ودى قطة من الفقر تنونو--
جالها يبسبس كلب يهوهو=
=ديلها اتهز هتعمل ايه --
ماهى بطنها م الجوع بتصوصو
.........................................
خالد------
قرب قرب بص وشوف --
واكتب واقرا معاني حروف
ع التعليم ف بلدنا ياعمي ----
وقولي الفرق بقي من الامي
............................................
امل--------
قرب عندنا درس خصوصي ---
له جمعيه بكل فلوسي --
علشان ابني وابنك يفلح --
-ده الهم اللي خلع لي ضروسي
..............................................
خالد---
وده كرسي من المعدن غالي -
-بيغير حالك في الحال ----
متبطن بقماش بيلالي ---
-ويمشي امورك كده عال
............................................
امل-----
ودى ترابيزة عليها اوراق=
عايزة موافقة عليها خناق-
-والباشا ب يفتح فالدرج
-والغلبان ده من الوراق
........................................
خالد------
نطلع بقي في القسم التاني
-قسم الذوق ويا الاخلاق ---
-اللي بيعرف واحد صاحبه ----
علشان لاخته ياناس مشتاق
.............................................
امل-----
وال مصاحب صحبه عشانها--
مراته الحلوة اجن جنانها
نسيت ان وراها عيال
وتقول انه بص لغيرها
..............................................
خالد-----
واللي تقول دي حماتي مصيبه -
وتدعي عليها يارب تموت ---
--لو نفسها تعمل تخشيبه --
او علي راسها القطر يفوت
................................................
امل-----
قرب قرب شوف الدنيا
قلوب ميتة وترش كلونيا
رمى امه عشانها فالشارع
ويقول دى مراتى حاجة تانية
.................................................
خالد------
وادي واحد مش عاجبه العيشه --
وبيشكي ليل ويا نهار ------
ويبص لغيره المتهني -----
وبيشكي غلو الاسعار
.................................................
امل------
وادي واحد زهقان من يومه -
ومراته بتحسد في جارتها ---
-- بتسيبه مقطع ف هدومه---
--واسرار الناس دي لعبتها
...................................................
خالد----
واللي شبابها عدي وفات --
-- عايشه حياتها ياناس ع الشات
-- وبتعرف م الصحبه جماعه --
-- لو تعرف اسمها فتكات
...................................................
امل-----
وده واحد قاعد ع النت ----
- بيعاكس ف الواد والبنت
وبيكتب اسمه انه تفيده ----
- ويقلد حركات الست
...................................................
خالد-----
قرب قرب نطلع فوق
قربنا من الغيبوبه نفوق
ونعدي الايام الصعبه
وحياتنا هتحلي وهتروق
............................................
امل-----
قرب قرب قرب شوف=
وطنى بيبكى واقف له سيوف=
والخاين شارب من نيلها =
وجيشها بيحمي من غير خوف
.............................................
خالد-----
والشعب مساند لرئيسه -----
-وبيدعي يبارك ف خطاه ----
--- للضلمه منور فوانيسه ---
ده وعدنا بالخير وياه
..............................................
قرب يلا تعالي اتفرج ---
بس كمان وتعالي وجرب -
كل ماتقدم عندك حاجه --
احنا نساعدك قرب قرب
...................................
مع تحيات ----سيجال .للشاعر (خالد الكردى)---والشاعرة (امل فرج)
ليست هناك تعليقات:
إرسال تعليق