قصيدة كلمه واحدة للشاعر هشام عوض محمد

                  كلمه واحده
                                     -------------
                     -------------------------------------------
               عندي كلمه ونفسي أقولها وتسمعيها
                كلمه كانت جوه قلبك من زمان
                 -
                    كلمتي هي المحبه وتعرفيها
            بس لازم لجل تفضل من ضمان
                   -
             مش حروف الكلمه قصدي وتنطقيها
                  جوه قلبك تبقى لازم فيه كمان
                       -
                    فينها ضاعت والمشاعر رحتي بيها
                   كان زمان الحب ساكن والأمان
                            -
                نفسي نرجع تاني ليها ونلاقيها
                 نفسي يرجع تاني حبك والحنان
           -
                 نفسي أرجع تاني عايش بس ليها
           كنت عايش للي بينا وشايفه هان
                 -
             ليه قوليلي العشره هانت واللي فيها
          ليه رضيتي الحب يرحل مـ المكان
                   -
              هي كلمه وبس بقيت وافهميها
                     لسه حبك جوه قلبي وفيه وصان
               -
                    لو فـ فكرك لسه ذكرى بتحفظيها
                  والمشاعر هي هي وقلب لان
                  -
                             ياله ننسى القسوه كانت مين ناويها
                                 قومي نرجع تاني إحنا واللي كان
------------------------------------
------------------------------------
بقلمي ..... هشام عوض محمد
الإثنين ..... 23 03 - 2015 م
--------------------------------