قصيدة تاه الكلام للشاعر احمد ابراهيم

الشاعر احمد ابراهيم

تاه الكلام
========
بقلم الشاعرالمصرى / احمد ابراهيم
================

بعتب عليكى قلبى ف ايديكى
اصبح رماد
وتاه الكلام وراح الغرام
بدمعة سكات
وليلى الجريح بيبكى بأهات
حبى اللى كان معاكى وبات
لابس حداد بلون السواد
كنتى ملاك لاء مش ملاك
جواكى قلبى مات من سكات
وتاه الكلام وراح الغرام
بدمعة سكات
يا عمرى اللى عشته يا رتنى ما عشته
نارك كوتنى وحضنك هلاك وكلك عناد
حبى اللى كان معاكى وبات
لابس حداد بلون السواد
قلبى اللى غنى بحبك سنين
راحت وغابت منا حكايات
ومات الحنين وفرح السنين
وكل الحاجات
باقى العذاب و حية كلام
جوه الكتاب
شعرى اللى كتبه ليكى بحنين
اصبح كلام مجرد كلام
جوه الكتاب
حتى الحروف صرخة بخوف
فى وسط الكتاب
وتاه الكلام وراح الغرام
بدمعة سكات
حولت انى اكتب فيكى حكايات
لقيت الحروف بتبكى بأهات
غدرك رهيب مكنتش حبيب
يا كدبة ملاك كنتى هلاك
وشعرى اللى كتبه ليكى بحنين
اصبح كلام مجرد كلام جوه الكتاب
===================
بقلم الشاعرالمصرى / احمد ابراهيم