على بابك
======
===============
على بابك انحنى عودى
وتاهت فرحتى منك
ومسجون فى الفضا صوتى
لا سمعانى ولا سمعك
ولو يرضيكى يوم موتى
هموت لكن هعيش جمبك
لآنى يا مصر محتجلك
لآنى يا مصر من اهلك
لآنى يامصر من بعدك
هكون ضايع
هكون مسجون وميت سجان
على موتك و بيبايع
وانا ضايع ماليش عنوان
انا فى صيفيك انا البردان
على بابك انا التعبان
صرخت باعلى ما فيا
حببتى جعان
ارميلى فتات ارضك
هكون راضى
دفينى بتوب علمك
انا البردان
انا انسان لكن فيكى
بعيش غلبان
ماليش معنى ولا صوره
دى حتى مريتى مكسوره
ولا فيها ملامحى تبان
مانا الشقيان
انا التعبان
على بابك انحنى عودى
ومات صوتى
وسكن الحزن فى سكوتى
ولو يرضيكى يوم موتى
هموت فيكى
مانا بيكى
انا ليكى
انا العاشق على بابك
ولو حتى يكون موتى
=============
بقلم الشاعر / احمد ابراهيم
ليست هناك تعليقات:
إرسال تعليق