أيام زمان
الضحكة تاهت مننا وسط الزحام
تاهت وراحت عننا واستخسرت فينا السلام
أيام حمام الزجل أيام صدق الكلام
ياضحكة تاهت وسط البحور ملهاش أثر
وموجها طالع ع البرور يخبط صخور لما انكسر
والحلو ضاعت زهوتو والشعر شاب
ولا العتاب ال انتشر وبدون سبب
والضعيف ان بات جعان بنكفروة
وان قال خد ولا هات بيقتلوه
كسوفى زاد ومن الكسوف ينزل عرق
وفرحت أنا لأجل الدموع تنزل معاه ما تنعرف
أصل البكاء مش للكبير والفخفخة
مكتوب علينا احنا الدموع تنزل تسيل
أما الأمير دا يبكى لية ولية عنية تعرف بكا
لا مرة انزنق ولا حمل شال
ولا ناعى هم أم العيال
ولا ناعى هم همهم
الخزنة عندة وفيها مال
دا يبكى لية زيكم
دنيا بتفعص فى الضعيف
لما انسخط
وأصبح شبية للبشر
وان حب مرة يبقا بيه لوح السرير ينكسر
أصل الشبية دا مش تقيل دا هيكل بصورة بشر
ولوح السرير من حلمة التقيل طق انكسر
شوفتوا حظوظ البشر
وعرفتوا لية الضحكة تاهت مننا
وراحت لغيرنا مش لنا
والتعيس غرقان تعاسة فى المشاكل والهموم
والقوى ركب الضعيف والضحكة تاهت فى الزحام
واتنست أيام زمان أيام مكان ال حمام هو رمز للسلام
و انطفت كل الشموع ومعدنا نسمع أو نشوف
غير خربشة و صوت ضباب
خليك بس فاكر لما أموت وشوف مين بكا ونزل دموع
غير بس ابنك أو أخوك أو حتى صاحب من الجيران
لكن هتسمع صوت نهنه فى وسط الكلام
ليست هناك تعليقات:
إرسال تعليق