القصيده الحائزة على المركز الثالث
من وحى الصوره
الشاعر / احمد ابراهيم
البلد مصر
القسم / شعر العاميه
عنوان القصيده / صندوق دهب
-----------------------------------
صندوق دهب
----------------
صندوق دهب فى ايدك ملكتى حياتك بفرح
وبعتى السنين وبعتى الحنين بقيتى غنيه
وسبتيلى جرح
عيشى شويه حياتك هنيه هتبكى سنين
وطعم الانين هيجرى بحور وفرحك يمر---
وحزنك هيسكن وشمسك هتهجر مكانك
حياتك تضلم بحزن_______________
--------------------------------------------------
لآنى فقير هجرتى مكانى رميتى حنانى
وقلبى يعانى منك بهجر ___________
ضاعت امانى وفرحة زمانى وعايش مكانى
ووحدى بعانى و فى عينى دمع ______
بيجرح عنيه ومنك قسيه غرورك ملاكى
وقلبى اللى باكى ودمعة عنيه _______
وبيتى الصغير بيشكى الفراق هجرتى__
------------------------------------------------
وخونتى وبعتى السنين بصندوق دهب _
لكن هيرخص فى يوم الدهب عيارك هينقص
وتمنك هيرخص هتبقى رخيصه بأرخص تمن
ووردى اللى مات وفرحى اللى هاجر بيتى الصغير
ومنك اهات وملهاش عدد وحزنى اللى بات فيا من زمن
-------------------------------------------------------------
صرخة اهاتى بصرخة ندم يارتنى ماشوفتك او يوم عرفتك
لآنك صنم ____________________________
بعتى الحنان وحبى اللى كان قلبك ده ايه
قلبك حجر ______________________________
حقيقى هيرجع بينا الزمن هتعرف عنيكى مين كان شريكى
ومين اشتراكى بحبة دهب _____________________
لكن هينقص فيكى الجمال واللى اشتراكى __________
-----------------------------------------------------------------
هيبيع هواكى هيرفض لقاكى هيرسم فى وشك دمعة بكاكى
هتبقى فقيره فى سجنك اسيره هتبقى ف حياتك مجرد عدم
وياريتها يومها يفيد الندم و من بين ايديكى يروح الدهب
وحلمك هيصبح مجرد ركام صندوق خشب خشبه انكسر
وراح الدهب فى ليل الاهات وحلم انهدم وكان التمن صندوق دهب
-------------------------------------------------------------------------
صندوق دهب
--------------
ليست هناك تعليقات:
إرسال تعليق