قصيدة عروس البحر للشاعر سيد الدابى

******** عروســـة البحــــر ********
نزلت يوم بحـرك
شفتـك معدية

خطفنى ليكى سحرك
وتهـت فى الميه
يا حلوة على مهلك
يا أحلـى بلطيـة
لا قبلك ... ولا بعدك
عشقته عينيه
يمكن أكون طرحك
وايامك الجاية
مشيتى واندهلك
طب شوية حنية
وطلعت على شطك
عاشق لعروسك جنية
*****************
ورجعت أنا لبحرك
فى يوم ليكى تانى
نزلت لاجل ماقابلك
يا قمره وحشانى
عاشق أجيب سيرتك
واسمك على لسانى
وأسهر مع طيفك
والفرحة سبقانى
بتمنى يكون قلبك
ليّا غنوتى والحانى
طالب أنا أيدك
تكونى عشقى وحلالى
ولو عمرى يكون مهرك
والله أنا شارى
ولو يوم غضبتك
بحكمك أنا راضى
ولا يصعب عليكى حالى
*******************
بقلم الشاعر \\ سيــــد الدابــى