********* بحـــــر بــلا مـــرســى *********
فـــــاكــره زمـــان
لمــا ألتقينـا فى أول مكــان
كـُنت لك كتاب مفتـــوح
بيحكـى لك عن الماضى
وقلبى اللى عاش مجروح
وحب قديم ساكن قلبى ..
بيتفجّر فى أى أوان
مشيت له كتير دروب عتمة
والف طريق للنسيان
وقولت لك محتاج أنا ليكى
ضُمى ايديّـا فى ايديكى
أعيش الفرحة فى عينيكى
نسينى الماضى وآنينـّى
وأكون ليكى أنا بكرة
أكون دمك شرايينـّك
أكـــون فــرحـة عمرك وسنينـّك
أكون شمعة تنور الطريق ليكّى
وفجـــأة .. لقيتك على شطـّى
توهت ما بين حبك وحيرتـى
نـصبتى شراعك وجدفتـى
وفى بحرى بقيتّى تعافرى
ما بين الموجة والنوّة والاعاصير
ينكسر مــجدافـــك ....
وشراعك فى الهوا يطير
خلاص غرقــتـى ....
وقلبك بقى لى أسير
ما بين الموجة والنوّة والاعاصير
مدّيت ايديا أنقذك ....
خطفتك على جناحى حاولت اطير
لكن الطير من غير جناح ولا ريش
أخدتـــك على قــارب
أتارى القارب خشب هش صعب يعيش
********************************
أنــا أسف ... أنــا خــونتك
كدبت عليك وقولت لـك ..
حبى القديم ماضى وراح
صورة باهتـّة كما الأشباح
سكّنتك جوه قصر كبير
حطانه أوهام ضايعة ويـّا رياح أمشير
فى أى لحظة تيجى موجة .....
تداعب القصر بجناحها ساعة هوجة
تلاقى القصر سراب ضايع مع الموجة
أنا أسف .......
غرقـتى فى بحرى وعشقتى
وياما سهرتى ليالى على راحتى
وأنا عمرى ماستاهل ولو دمعة
لطرفة نسمة لعينيكى
سهرتى ليالى بتتمنى ولو كلمة
أتـــارى القمـــرة بتخونـــك
كُنتى فاكرة أنى شمعة
ح تنـوّر قلبك وسنينك
جيتى فراشة طايـــره ....
فرحانة بنورها وحطيتى
أتارى نورها نــار ح تكويكى
عرفــتى خــلاص ......
حــبـى ليكى سراب غلطة
بـــحر غريــق بــلا مرســـى
وبرضـّو عشقتـّـى و هويتــى
***********************************
ليست هناك تعليقات:
إرسال تعليق