مصر في اذمة بسبب النور .....................ياريتها تعدي بخير وتغور
ساعةفي ضلمة وساعة في نور................حاجة تخلي الدم يفور
والمسؤل بيلف ودور................................كلنا بنلف داير مايدور
عايزين نكشف المستور.............................المستور مع عمي عاشور
لسة بيقبض بالحنطور...............................يخص عليك ياعم عاشور
ماهو حقك جالك بالدوستور......................ارحم بقي خليك امور
المية كمان مربوطة بالنور..........................ماهو كل حياتنا شغالة بماتور
المية اساس والعيش والنور ....................دول اصل العيشة ياسي شطور
الشعب المصري طول عمره صبور..............وان فاض الكيل يغضب ويثور
ماهونفسه يعيش وماهوش مقهور................طلباته بسيطة يعيش مستور
حلمه في شجرة يبقلها جدور ...................وفروعها تتطرح ثمار وبذور
وبعد الضلمة يشقشق نور....................ويعيش في سعادة وهنا وسرور
شوفوا بقى حل ولموا الدور.....................خلوا الفتنة تخش جحور
ليست هناك تعليقات:
إرسال تعليق