دنـــــيـــــا الجـــــنــــــون
ممكن أكون
إنسااااان غير الناااس
كلها وقت الجنون
ممكن أصاحب نجمتين
فوق فى السما
وأفتح لهم قلبى الحنون
وأمسح ألامهم
وأختفى وسط السحاب
بين ألف لون
ممكن أكون
ممكن أصاحب الأسود
وأكل غزااااال
وأجرى وأسابق كل شئ
من غير حدود
وأكون ملك للغابه
ولكل الوجود
ممكن أكون
ممكن أكون أنا أسئله
مالهاااش ردوود
ممكن أقيس عمق البحار
وأسكن بيوت كل المحار
وأركب الحوت العظيم
بالليل كمان وبالنهار
وتكون لى
أحشائه دياااار
ممكن أكون
ممكن أطير ويا الحماااام
من غير لجاااام
وأقعد أرفرف
وأنسى كده كل الألام
وأخد قصادى من كل حااااجه
من غير ..بــــــكــــاااااام
ممكن أكون
ممكن أعيش ويا الزهور
وأسكن ف ألوانها الجميله
وأتنقل ويا الفراااااش
من خميله ل خميله
وأطلع لأعااااالى النخيل
كل وقت وكل ليله
ممكن تطيب نفسى العليله
وتنتهى كل الظنون
ممكن أكون
ممكن وف كتاااب التاريخ
وما بين السطور
أفرض إرادتى ع المعانى
كلها وتشع نور
وأبدل الحرب لسلام
ويختفى دم القبور
ممكن أحول النكسه
ف أيامنا لعبور
ممكن.............
وأيه يمنعنى فى دنيا الجنون
ممكن أكـــــــــــــــو ن.
ليست هناك تعليقات:
إرسال تعليق