قصيده صحوة غضب لكاتب سالم هاشم

صحوة غضب
.....................
كف القمر
بترو السحاب
والغيمة كبست ع النجوم
:
والشمس ماتت فى السما
والجو ضلّم بالغيوم
:
وألـــــف آآآآه
:
والأرض"
مخنوقه بناسها بتحتضر
بنار
العجز نار الضجر نار الغدر..
:
الناس بتتقلّلى فى زيت
والنار شبح
بارزه سنانها كالغيلان
والناب طويل كألف ليل
اسود ما يعرف فجر..
:
والدنيا من بعد اتساع
داقت وصبحت قبر..
..

الدمع نبّت فى التراب
شب وسرح..
:
اصبح شجر نبت وطرح
حب الغضب
.......
جمعت ادين المغصوبين
حزم الحطب
..
والكل اقسم يبقى حر
..
وان
شالله تبقى كلّها دمار وشر
..
الظلم زاد..والمحكومين
اتمردو
:
والنار جهنم شعللت
حلفت لتاكل كل شئ
وأقسمت..
:
والفتنه
دارت فى الخلايق اتمكنت
وكلها
عود من طمع وعود من ظلم.
:
وعود قلّة ضمير الحكم.
والدنيا باتت محرقة
ولما
أكلت كل شئ باتت رماد
لكن ما عاد........
:
يفيد بكى.........
:
ولّلت خلاص
والناس وساوس فى الحياة
بس انتهى هاجس الكابوس..
..
والأرض مفروشه بتراب
كل اللى طمعو فى الفقير..
:
حتى الفقير
فضّل يموت تمن الحياة
للى هاايجى ويتــــولد..
:
آآآه يا بلد..
:
هانت خلاص..
----------------------------------....سالم هاشم