قصيدة وحشتينى للشاعر سيد الدابى

********* وحشتينى *********
وحشتينى يا نور عينى
يا ربيع ايامى وسنينى

بعدك عنى بيألمنى
واقول الآآآآآآه تكوينى
وتحرق قلبى دموع عينى
******************
كفاية عناد وطال بعدك
فى غيابك بعيش رحال
بعدك عنى يا حبيبتى
عذاب ومرار
تعالى قربى منى
اشوفك حتى لو لحظة
ونظرة منك تطمنى
****************
تعالى حبيبتى وحشتينى
انا اللى عشقت فى عينيكى
سواد الليل
وانا اللى دقت فى بعاد
مرار الويل
وانا اللى عزفت على همسك
غنى ومواويل
*****************
تعالى حبيبتى
مشتاق انا ليكى
مشتاق لآهاتك
لهمسك بين شفتيكى
مشتاق للمسة لايديكى
ولحضن عينيا لعينيكى
تعالى نحلم ببكره ونتمنى
نعيش ايامنا ونتهنى
تعالى حبيبتى
مشتاق انا ليكى
****************
بقلم الشاعر \ سيد الدابى