==========
بقلم الشاعر / احمد ابراهيم
=========================
شهدك مرار
=========
شهدك مرار وانا لسه منه برتوى
وف عينى لسه دمعتى بتشكى حالى
ياللى انتى بيعه من سنين محبتى
هيجى يوم عليكى تحسى نارى
وتعيشى جرحك كل يوم وهتنكوى
وهتسكن الدمعه فى عيونك بالليالى
انا كنت صابر بس فاق كل احتمالى
وغرقت فى بحرك وتاهت خطوتى
وماتت بيكى احلامى وامالى
مش بيكى هرجع وابتدى
ولا يوم هعيش لهواكى تانى
لما انتى ناويه ع البعاد
والخداع جواكى مالى
طب كنتى عنى ابعدى
من غير جراح اعيشه تانى
ولا كنت ليكى فى يوم حبيب
ولا حتى كنت ليكى غالى
طب ليه تخونى باسئلك
ماتقولى جوبى عن سؤالى
مرت سنين وانا بسعدك
وكنتى ليه سبب دمارى
واهات تزلزل خطوتى
ومعاكى ضاعت امنياتى
ومعاكى موتى نهرى
انا قولت لازم ابتدى
واخد قرارى
هرميكى من قلبى النهارده
وامسحك من ذكرياتى
=========================================
شهدك مرار
=================================
ليست هناك تعليقات:
إرسال تعليق