قصيدة اسكندرية كمان وكمان للشاعر سيد الدابى

******** أسكندرية كمان وكمان ********
أسكندرية يا بهية
حبك فى قلبى وللدنيا ح بوح

بموت فى سحر جمالك
من ابو قير لحدود مطروح
ومهما غبت بعيد عنك
انتى فى دمى منين ما اروح
انا اللى عايش على انفاسك
وموج بحرك يداوى جروح
واموت واحيا على شطك
نسيم صبحك يرد الروح
وانا عاشق للون رملك
وفى ليلك اعشق وابوح
******************
يا اسكندرية انتى فى دمى
وبدمى ح كتبلك
الف غنوة وقصيدة
وأحكى تاريخك وكفاحك
لكل الدنيا اروع حقيقة
محمد كريم اغلى جنودك
والسياسى عمى نديم
واقفين بيحمو حصونك
من الاعادى المعتدين
واللى علمنا الشعر والغنا
درويش وبيرم والدابى انا
وبين شطين وميه
ساكنين فى نن عينيا
يا اهل اسكندرية
*****************
بقلم الشاعر \\ سيد الدابى