****** حبيبتى يا أسكندرية ******
يا اسكندرية يا مارية
بعشق ترابك زعفران
كل ما فيكى بيسحرنى
يا اجمل هدية من الرحمن
ما احلى جمالك يا بهية
حتى فى اغسطس او طوبة
طول عمرك جميلة وصبية
ولافيكى حاجة معطوبة
كل القلوب عشقاكى
من غير قلوب مغصوبة
ولما امشى على شطك
بنسى جروحى وآلامى
ولما بنزل يوم بحرك
تحضنى موجة ورا موجة
وتغسل الميه همومى
واجدد فى عينيكى امالى
وحبيبتى واقفة على رملك
صبية لابسه لى ملاية
جمال عينيها بيشبه لك
وفى حسنها اجمل آية
حبيبتى بنت من بحرى
أجمل غزالة م السيالة
ويزيد جمالك يا بهية
لما تغيب القيالة
كل الأحبة بتتلاقى
واللى افترق تانى بيعود
ويحلى اللقاء بين احضانك
على الكورنيش وبير مسعود
واللى يزورك يا اسكندرية
يحلف بجمالك وليكى يعود
***************************
بقلم الشاعر \\ سيد الدابى
يا اجمل هدية من الرحمن
ما احلى جمالك يا بهية
حتى فى اغسطس او طوبة
طول عمرك جميلة وصبية
ولافيكى حاجة معطوبة
كل القلوب عشقاكى
من غير قلوب مغصوبة
ولما امشى على شطك
بنسى جروحى وآلامى
ولما بنزل يوم بحرك
تحضنى موجة ورا موجة
وتغسل الميه همومى
واجدد فى عينيكى امالى
وحبيبتى واقفة على رملك
صبية لابسه لى ملاية
جمال عينيها بيشبه لك
وفى حسنها اجمل آية
حبيبتى بنت من بحرى
أجمل غزالة م السيالة
ويزيد جمالك يا بهية
لما تغيب القيالة
كل الأحبة بتتلاقى
واللى افترق تانى بيعود
ويحلى اللقاء بين احضانك
على الكورنيش وبير مسعود
واللى يزورك يا اسكندرية
يحلف بجمالك وليكى يعود
***************************
بقلم الشاعر \\ سيد الدابى
ليست هناك تعليقات:
إرسال تعليق