شعر ماتحملش علي قلبك للشاعر عبدة سرور

شعر ماتحملش علي قلبك
ماتحملش علي قلبك
اكتر مهو متحمل
سيبها ياعم علي ربك
عيش حياتك وكمل
ارضي بالمقسوم، وباللي انكتب
وزيح من عليك الهموم ده كل شئ سبب
ومكتوب من ألاول
،،،،،،،،
متعذبش في روحك، متصعبهاش عليك
داوي بالامل جروحك ،مفيش حاجه بائديك
وارضي بالمقسوم وباللي انكتب
وزيح من عليك الهموم،ده كل شئ سبب
ومكتوب من الاول
،،،،،،،
متندمش علي حالك،،متزعلش عالي حصلك
كان حاجه وربك شيلهالك،،وكان لازم توصلك
ارضي بالمقسوم ،وباللي انكتب
وزيح من عليك الهموم،ده كل شئ سبب
ومكتوب من الاول

كلمات الشاعر عبده سرور