قصيدة كل شيء نصيب للشاعر محمد العراقى

كل شيء نصيب
ماشي في طريقي وحيد
مليش ونيس و حبيب

و لا لاقي ليّه سِنِيد
عايش حياتي غريب
خطواتي أنا مثقلة
و الأمر قاسي عصيب
و كأني لابس قيد
محتاج أروح لطبيب
ماشي أجُر في رجلي
و الله وضع مريب
حاسس بأني عليل
و دمع عيني صبيب
بيقولولي شد الحيل
و إجمد يا فارس عيب
دا أنت يا خال عمنا
يا ما كنت فينا خطيب
معروف و رأيك سديد
و لا مرة كنت عطيب
الجمع يشهد بفضلك
فكرك عميق و خصيب
راجل تزين الرجال
و لك مهابة أريب
كلمات عيونك خطيرة
هُمام شديد و رهيب
راكب و رايح فين ؟
أمرك بجد عجيب
إرضَ بقضاء ربنا
و عش يا عم طريب
دا الدنيا من دا و دا
و كل حاجة نصيب
من كلمات الشاعر
محـــــمد العــــراقي
في 11/ 1 / 2016 م