ماشي ماشي
وكل مرة تقول معلشي
وكل يوم تعملها وتمشي
وكلمة منك أنا ما استاهلشي
بضحك وجوايا حزين
ضحكة مرسومة والقلب والروح مجروحين
كلامي مكبوت بحلقي وفكري وبالي سارحين
فات قد ايه من الساعات
من الدقايق والآهات
عمالة أتصل بسراب
وقلبي لسه فاتح أبواب
وهو مستحلي الغياب
وما بطل يسقي قلبي عذاب
الناس بتسأل أنت ايه بالنسبة ليا
برد أقول أغلى حاجة ليا
ومن الله أجمل هدية
جيبت الفرحة وشيلت الحزن الساكن بيا
إنما مش دى القضيه
القضيه كنت إيه بالنسبه ليك؟؟
كنت زي أي واحد ؟ ولا شئ غالى عليك؟
كنت فارقه صحيح معاك
ولا لعبه زهقت منها ؟و قوام رميتها من إيديك؟
كنت حلمك فــ الليالى؟ولا عمري ما أثرت فيك؟
ذنبي بس اني حبيتك
وجه قلبي أنا شيلتك
وفنن العين أنا خبيتك
وعملتلك من رموشي بيتك
كنت بتقول مش حسيبك
ورحت رغم اني ناديتك
الدنيا برأيي بقت سودة
والضحكة باهتة ومش مقصودة
سعات بحس انى مجنونه
وسعات بتقلب طيبه حنونه
بس الطيبة سر الجنون
وصعب تلاقي قلب حنون
حاسة اني بقت غريبة
وسط ناس الاخلاص عندهم عيبة
مش حلوم ولا أعاتب ناس أحوالهم بقت عجيبة
خلاص الدنيا ملهاش غالى
تضحك علينا ولا ببالي
بس على مين فهمتها خلاص
مش حقول مفهاش اخلاص
من اليوم حعمل لغدرها أساس
اتعود عليه. وأعرف أتعامل مع الناس
من غير ما حد يجرحلي احساس
آآآآآآه منك يا دنيا الأمين فيكي ينداس
والأكيد في ناس تتشال على الراس
عرفت من الناس أشكال وألوان
لكن قلوبهم ما لهاش عنوان
خلاص كده حنسى الانسان
لأني تايهة ومش لاقية مكان
وصاير حاميها حراميها هو لي ليه سلطان
والحب فيها صاير خذلان
وناس بتسمع ومش ليها ودان
كلامي ليك يا لي باع وخان
لو الدنيا دايمة كان غيرك ربح زمان
وبكره تفوق وتقول يا ريت لي جرى ما كان
ولا فرطت في قلب للاخلاص كان عنوان
قلب حبك ولحبك بغيابك صان
فآآآآآآآآآآآه منك يا دنيا ما بقاش ليكي عندي أمان
ليست هناك تعليقات:
إرسال تعليق