حدوتة غرام
قالّها وعنيه بتلمع م الفرح
من شدّة الإعجاب سرح
بكلام ..
يطيّب قلبها ال انجرح
ـ ردّت وقالت شدّنى
غيرك بأحلى كلام..
حبيته.
أخلصت حتى بعت فيه
كل البشر.
واتاريه..........
سراب خادع
صورة من الأوهام..
..
ـ ضحك ..قالها"
ماتشبهينى
ماترسمينى اى حد..
لاعمرى كنت بلعب
ولاعرف
لو بنيت إنّى أهد..
..
اليوم عليك..
وشويه بعد محبتى
راح يبقى ليك..
..
ـ استغربت
وطلّت النظره الغريبة من العنين
استفهمت..
ان الكلام مش من حروف
ان المعانى للغرام
اتكلمت..
..
ـ وقعت عنيها من الكسوف
والفرحه هللت ع الجبين..
فقالها
لما شفاها اتبسمت..
ـ ضحكتك ضى النهار
شمس صافيه
فى السما
تبعت دفا تصنع حياة.
فيّا أنا
وانعم مابين نظرة عنيك
بعمر تانى..... لمنتهاه..
..
فجأه الدنيا مطرت..
جريت عليه
خدها فى حضنه
وبين إديه..
..
شالها وراح
دنيا الحقيقة والغرام
..
سكت المطر من فرحته
حضر اليمام ويّا الحمام
وغرّدت كل الطيور
وودعوهم عصفورين
لبيت جميل
يحكى قصيدة اتوجت
بتاج الحب والهيام....
ما
احلاك يا حدوتة الغرام.....
ليست هناك تعليقات:
إرسال تعليق