قصيدة إبعد وكفاية دموع للشاعر محمد العراقى

إبعد وكفاية دموع
إبعد سيب قلبي في حاله
لتوه و تضيع في حباله

و لا عمرك يوم هتطوله
دا أنا قلبي صعب مناله
عمرك ما زرت خياله
و لا جيت و لامرة في باله
إبعد سيب قلبي في حاله
أبدا ما إنتاش خيّاله
أنا قلبي قفل أبوابه
من يوم ما بعوه أحبابه
و اتخلى عنه اصحابه
إبعد سيب قلبي في حاله
أغلقته أنا للتحسين
إبعد أرجوك مش ناقصه
يا اللي معذبني سنين
إبعد دا دموعي بسببك
كانت بتبات في العين
أرجوك ريحني و سيبني
دا في قربك قلبي وجعني
و بسببك قلبي حزين
إبعد سيب قلبي في حاله
أرجوك مش ناقصة أنين
إبعد سيب قلبي في حاله
يا اللي معذبني سنين
كلمات و إلقاء الشاعر
المصري / محمد العراقي
في 11 / 9 / 2014 م