قصيدة مقلب غراب . للشاعر سالم هاشم

مقلب غراب ...
/
نعق الغراب ع الشجر
وفرقة الجرزان
حضرت ترحب بيه..
..
عزموه على كوز دورا
ضحك الغراب واتجعص
وقال لزمنى أفص
آخد لأهلى فيه.
..
رد الكبير وقال
حياك
والأرض كلها ليك
وف أى وقت
اهلا ومرحب بيك..
..
هاتولو يا جرزان
عبوولوا يا جرزان
الخير مالوش آخر
وغيرنا يتاخر
لو حتى صاحب الأرض
..
بص الغراب بعنيه
ما اصلو فى العالى
شاف من بعيد راجل
جاى والعصا فى إديه
..
نعق الغراب يضحك
انتبهت الجرزان
قالولو ليه تضحك؟
قال نكته حضرتنى..
..
وسط العيدان هايمه
بتقص فى الأغصان
وصاحبنا فوق عايش
يضحك سعيد فرحان
..
والمقلب ال استوى
باقى عليه خطوه
سكت
وف وسط الورق مخفى
وف سهوى وعلى غفله
كانت هناك حفله
والطبل بالعصيان..

وفرّت الجرزان
غرقانه فى دمها
وابن البعيد الغراب
واقف على الشجرة
يرقص سعيد فرحان..
...ودى أخرت ال
يمشى ورا الغربان.
..
سالم هاشم