(لشهداء فلسطين الابرار)
=========
================
امى الحبيبه بعد السلام
حضنك يا امى وحشنى كتير
اسف لآنى هجرت المكان
ودمعك عليه بيبكى سنين
ودبلت ورود ومات الحمام
اسف لآنى هجرت المكان
وعايش يا امى فى اجمل جنان
وروحى بجناح ترفرف تطير
ابنك شهيد يهتف نشيد
تعيشى يا غاليه فداكى وبموت
رغم الاهات ودمعة سكوت
و توب الحداد مغطى البيوت
بصمت الحداد وضاع النهار
وشمسى اللى غرقت جوه الضلام
ولسه الاهات بتبكى بألالم
حالك يا امى بيصعب كتير
دموعك بحور عليه بتبكى
وقلبك حزين بيصرخ بيشكى
لكن يا امى روحى معاكى
وعايشه فى حضنك ليكى بتحكى
شهيدك بطل رافع وسام
ضحى عشان تراب الوطن
===============
ليست هناك تعليقات:
إرسال تعليق