قصيدة ندا قلبى للشاعر سيد الدابى

 

الشاعر الدابى

 

******** ندا قلبى ********
قبل ما اشوفك يا حبيبتى
كان قلبى بين ضلوعى جريح

شفت عينيكى سحرتنى
لقيت فرحى ندا قلبى
خدنى فوق بساط الريح
سافرت فيهم بعيد عنى
رحت ليكى نسيت همى
لقيت نفسى بدوب فيكى
غريق فى هواكى بتمنى
اعيش لو لحظة وياكى واتهنى
**************************
كنت قبلك بقضى الليل
فى احزانى
واعيش جرحى وآلامى
لقيت نفسى
بعيش فى عينيكى
سحر الليل واحلامى
بقيت عاشق انا ليكى
اكون حبك وادوب فيكى
اكون ليلك اكون حلمك
اكون فجرك
فى اول ضى اصحيكى
اكون شمسك ادفيكى
اكون قمرك فى ليل عتمة
انور الطريق ليكى
*********************
بقلم الشاعر \ سيد الدابى